Ұлттық статистика бюросы
Қазақстан Республикасы Стратегиялық жоспарлау және реформалар агенттігі
Өнеркәсіп өндірісінің статистикасы Өндірістің өсуі тау-кен өндіру өнеркәсібі және карьерлерді қазуда – 1,9%, өңдеу өнеркәсібінде – 7,4%, электр энергиясымен, газбен, бумен, ыстық сумен және ауаны кондициялаумен жабдықтауда – 4,9%, сумен жабдықтау; су бұру; қалдықтарды жинау, өңдеу және жою, ластануды жою бойынша қызметте 3,8% байқалады.
Өңірлер арасында едәуір өсу Ақмола, Ақтөбе, Шығыс Қазақстан облыстарында белгіленді.
2024 жылғы қаңтар-ақпанда өнеркәсіп өнімдері 7502,7 млрд. теңгеге өндірілді, оның ішінде кен өндіру саласында – 3566,7 млрд.теңгеге (жалпы көлемнен 47,5%), өңдеуде – 3237,9 млрд. теңгеге (43,2%).
| 2024 жылғы қаңтар 2023 жылғы қаңтарға | 2024 жылғы ақпан | 2024 жылғы қаңтар-ақпан 2023 жылғы қаңтар-ақпанға | ||
| 2024 жылғы қаңтарға | 2023 жылғы ақпанға | |||
| Өнеркәсіп | 103,4 | 103,8 | 105,7 | 104,6 |
| Тау-кен өндіру өнеркәсібі және карьерлерді қазу | 100,2 | 98,9 | 103,6 | 101,9 |
| Өңдеу өнеркәсібі | 106,9 | 109,2 | 107,9 | 107,4 |
| Электр энергиясымен, газбен, бумен, ыстық сумен және ауаны кондициялаумен жабдықтау | 102,5 | 101,9 | 107,3 | 104,9 |
| Сумен жабдықтау; су бұру; қалдықтарды жинау, өңдеу және жою, ластануды жою бойынша қызмет | 104,8 | 108,4 | 102,8 | 103,8 |
Металл кендерін (107,2%) және өзге де пайдалы қазбаларды (102,9%) өндіру салаларының және тау-кен өнеркәсібі қызметтерінің (106,9%) артуына байланысты 2024 жылғы қаңтар-ақпанда тау-кен өндіру өнеркәсібі және карьерлерді қазуда ӨӨИ 101,9% құрады.
Өңдеу өнеркәсібінде 2024 жылғы қаңтар-ақпанда 2023 жылғы қаңтар-ақпанда салыстырғанда ӨӨИ 107,4%-ды құрады. Өсу химия өнеркәсібі – 25,3%, металлургия – 10,6%, машиналар мен жабдықтардан басқа дайын металл бұйымдарын өндіруде – 24,3%, машина жасауда -23,4%, өзге де дайын бұйымдарда 1,8 есе белгіленді.
Электр энергиясымен, газбен, бумен, ыстық сумен және ауаны кондициялаумен жабдықтауда электр энергиясын өндіру, беру және тарату көлемдерінің 7,5% артуы есебінен ӨӨИ 104,9% құрады.
Сумен жабдықтау, суды бұру; қалдықтарды жинау, өңдеу және жою, ластануды жою бойынша қызметте 2024 жылғы қаңтар-ақпанда ӨӨИ 103,8% құрады. Ақаба суларды жинау және өңдеу - 5,5%, қалдықтарды жинау, өңдеу және жою; материалдарды кәдеге жарату (қалпына келтіру) 4,9% артты.
Өндіріс көлемінің өсуі республиканың 17 өңірінде тіркелді, төмендеу Алматы, Жамбыл облыстарында және Шымкент қаласында белгіленді.
Өнеркәсіптік өндірістің құндық көріністегі көлемі – өзінің күрделі құрылыс тараптарына және өнеркәсіптік емес бөлімшелерге өткізуге немесе өзінің қызметкерлеріне еңбек ақы есебінде беруге, сондай-ақ тапсырыс бойынша орындалған өндірістік сипаттағы жұмыстар мен көрсетілетін қызметтерге арналған кәсіпорындардың өзі шығарған (өз шикізаты және материалдарымен қатар, тапсырыс берушінің шикізаты және материалдарынан дайындалған), барлық дайын бұйымдардың (өнімдердің), жартылай фабрикаттардың құны.
Заттай көріністегі өнеркәсіптік өнім өндіру көлемі – бұл өнімнің нақты түрлерінің заттай көріністегі шығарылы-мы. Заттай көріністегі өнеркәсіптік өндіріс көлемі жалпы шығарылым, аталған кәсіпорын ішінде өнеркәсіптік-өндірістік қажеттіліктеріне жұмсалған және өңделме шикізаттан өндірілген өнімдер қоса есептеледі.
Өнеркәсіптік өндіріс индексі – бұл салыстырылып отырған кезеңдердегі өнеркәсіптік өнім көлемінің өзгерісін сипаттайтын салыстырмалы көрсеткіш.
Өнеркәсіптік өнімдер (тауарлар, қызметтер) көрсеткіштерін қалыптастыру үшін өнеркәсіптік кәсіпорындардың, қосалқы қызмет түрі «Өнеркәсіп» болып табылатын кәсіпорындардың, дара кәсіпкерлер, шаруашылық және фермерлік қожалықтардың жалпымемлекеттік статистикалық бақылауларының бастапқы деректері ақпараттық база болып табылады.
Өнеркәсіптік өндіріс индексін есептеу үшін жеке (тауарлық) индекстерді экономикалық қызмет түрлері бойынша индекстерге келесі кезең-кезеңмен агрегациялау өкіл-тауарлардың белгіленген жиыны (себет) бойынша заттай көріністегі серпініне негізделген әдісі қолданылады. Іріленген жиынтықтар үшін индекстер осы жиынтықтарды құрайтын элементтерден орташа өлшем ретінде есептеледі.
Неғұрлым толығырақ әдістемелік түсініктемелер келесі сілтемелер бойынша қолжетімді:
