Көтерме сауда көлемі 2023 жылғы қаңтар-ақпанда 5157,1 млрд. теңгені немесе 2022 жылғы тиісті кезең деңгейіне 110,8% құрады. Көтерме тауар айналымының құрылымында азық-түлік емес тауарлар мен өндірістік-техникалық мақсаттағы өнімдер басым (81,5%).

Республиканың көтерме саудасының жалпы көлеміндегі ең үлкен үлес салмағы 2023 жылғы қаңтарда Алматы қаласына (42,7%), Атырау облысына (16,7%), Астана қаласына (14,9%), Қарағанды облысына (5,0%) тиесілі.

2023 жылғы қаңтар-ақпандағы бөлшек сауда көлемі 2208,3 млрд. теңгені құрады, бұл 2022 жылғы тиісті кезең деңгейінен 12,9% - ға артық. Сауда кәсіпорындарының тауарларды бөлшек саудада өткізуі 17,6%-ға ұлғайды, дара кәсіпкерлердің, оның ішінде базарларда сауда жасаушылардың, 2022 жылғы қаңтар-ақпанмен салыстырғанда 0,7% - ға ұлғайды. 

Жыл басынан бері жеке меншік нысанындағы кәсіпорындардың тауарларды бөлшек саудада өткізуінен 1936,8 млрд.теңге (бөлшек сауданың жалпы көлемінің 87,8%), шетелдік меншік нысанынан 269,0 млрд. теңге (12,2%) сомасында айналым алынды.

2023 жылғы 1 наурызға жағдай бойынша бөлшек саудадағы сауда кәсіпорындарының (есеп берген кәсіпорындар бойынша) тауар қорларының көлемі 1460,5 млрд.теңгені, сауда күндерінде – 76 күнді құрады.

Бөлшек сауданың жалпы көлеміндегі азық – түлік тауарларының үлесі-27,6%, азық-түлік емес тауарлардың үлесі – 72,4% құрайды. Азық-түлік тауарларын өткізу көлемі 2022 жылғы қаңтар-ақпанмен салыстырғанда 5,5% - ға азайды, азық-түлік емес тауарларды өткізу көлемі 22,5% - ға ұлғайды.

2023 жылғы қаңтарда республиканың бөлшек саудасының жалпы көлеміндегі ең үлкен үлес салмағы Алматы қаласына (30,5%), Астана қаласына (12,3%), Қарағанды (8,8%) және Шығыс Қазақстан (6,2%) облыстарына тиесілі.