Өткен жылғы маусыммен салыстырғанда бағаның өсуі күрішке – 47,6%, қиярға – 33,4%, шақпақ қантқа – 32,2%, минералды суға – 29,1%, сұлы жармасына – 24,3%, макарон өнімдеріне – 24,1%, тоқаш және ұннан дайындалатын өнімдерге – 24%, жұмыртқаға – 23,1%, қаймаққа – 23%, майлылығы 2,5% айранға – 22,6%, ұнтақ жармаға – 22,5%, пастерленген сүтке – 21,6%, пиязға – 18,7%, сары майға – 16,6%, қара бидай-бидай нанына 15,6% белгіленді. Бағаның төмендеуі қырыққабатқа 13,8%, құмшекерге – 11,5%, сәбізге – 9,5%, картопқа – 9,1% байқалды.

Баға деңгейі кеңсе тауарларына – 67,7%, жуғыш және тазалағыш құралдарға – 36,2%, жеке қолданылатын тауарларға – 24,6%, жиһаз және үйге қажетті заттарға – 20,3%, ыдысқа – 18%, киім және аяқ киімге – 15,7%, құрылыс материалдарына 13,5% өсті. Дизель отыны 36,1% қымбаттады.

Тұрғын үйді жалға алу құны 25,4% өсті. Баға кешенді демалыстарды ұйымдастыру қызметтеріне – 24,3%, санаторийлер қызметтеріне – 20%, демалыс және спорттық іс-шаралар саласындағы қызметтерге – 16,9%, қоғамдық тамақтандыру қызметтеріне – 16,6%, шаштараздар мен жеке қызмет көрсету орындары қызметтеріне – 15,1%, денсаулық сақтау қызметтеріне – 14,8%, білім беру қызметтеріне – 14%, қонақ үйлер қызметтеріне 12,6% жоғарылады. Жолаушылар темір жол көлігі қызметтері – 26,5%, әуе көлігі қызметтері 22% қымбаттады.

Тарифтер қоқыс шығаруға – 31%, тұрғын үйді күтіп ұстауға – 21,4%, орталықтан жылытуға – 10,1%, электр энергиясына – 8,6%, ыстық суға 5,3% өсті.

Өңірлер бөлінісінде 2023 жылғы маусымда жылдық мәнде орташа республикалық деңгейден асатын инфляцияның ең жоғары деңгейі Солтүстік Қазақстан, Ұлытау (15,9%-дан), Ақмола облысы, Астана қаласында (15,8%-дан), Маңғыстау облысында (15,6%), Шығыс Қазақстан (15,3%), Павлодар (15%), Абай, Жетісу, Қостанай облыстарында (14,7%-дан) қалыптасты.

2022 жылғы маусым мен 2023 жылғы маусым аралығында Қазақстан Республикасындағы инфляциясына тауарлардың негізгі топтарының үлесі.

Инфляция – бұл халық жеке тұтыну үшін сатып алатын тауарлар мен қызметтердің белгіленген тізіміне бағаның орташа деңгейінің уақыт бойынша өзгеруін сипаттайтын көрсеткіш.

Салым – көрсеткіш бойынша пайыздық өзгерістің инфляцияның жалпы мәніне әсер ету.

Инфляция деңгейін сипаттайтын тұтыну бағаларының индексі халық жеке тұтыну үшін сатып алатын тауарлар мен қызметтерге бағаның жалпы деңгейінің уақыт бойынша өзгеруін көрсетеді.

Тұтыну бағаларының индексін есептеу екі көзден алынған ақпарат негізінде жүргізіледі:

• осы мақсаттар үшін арнайы іріктелген сауда нүктелерінде және қызмет көрсету орындарында оларды тікелей тіркеу арқылы жиналған бағалардың өзгеруі туралы деректер;
• халықтың нақты тұтыну шығыстарының құрылымы бөлігінде үй шаруашылықтарын зерттеу материалдары.

Бағалардың өзгеруі туралы ақпарат жинау қалалар мен аудан орталықтарының іріктемелі тобы бойынша, барлық облыс орталықтарында, республикалық маңызы бар қалаларда және астанада жүзеге асырылады. Сауда және қызмет көрсету саласының базалық кәсіпорындарын таңдау жергілікті жерлерде жүзеге асырылады. Зерттеуге әртүрлі сауда жағдайлары бар және жаппай сұранысқа ие тауарларды (қызметтерді) үнемі өткізетін кәсіпорындар ұсынылуы үшін сауданың және ақылы қызметтердің барлық түрлерінің объектілері іріктеледі.

Тұтыну бағаларын байқау және ТБИ есептеу үшін тауарлар мен қызметтер жиынтығы Қазақстанның барлық өңірлері үшін олардың бірыңғай іріктемесін білдіреді. Тауарлар мен қызметтердің тізімі 508 позициядан тұрады, оған халықтың тұтынуында ең көп үлес салмағын алатын ең өкілді түрлер кіреді.

Бағалар туралы ақпарат жинауды баға тіркеушілері тауарды (көрсетілетін қызметті) өткізу орындарында тікелей жүргізеді. Тексеру жүргізілген күні төленген тауарлардың бағасы, салықтарды қоса алғанда, бірақ оларды жеткізгені үшін қосымша алымдарды қоспағанда тіркеледі.

• Тұтыну бағаларының индексі және туынды көрсеткіштер
• Қазақстан Республикасындағы жекелеген тауарлар мен көрсетілетін қызметтердің бөлшек сауда бағалары
• Қазақстан Республикасындағы әлеуметтік маңызы бар азық-түлік тауарларына баға индексі және орташа бағалар