Ұлттық статистика бюросы
Қазақстан Республикасы Стратегиялық жоспарлау және реформалар агенттігі
Демографиялық статистика
2024 жыл басына ұлттық құрамы:
Қазақтар – 14 220 321 адам (71,0%)
Орыстар - 2 983 317 адам (14,9%)
Өзбектер - 660 564 адам (3,3%)
Қала халқының ең көп үлесі Қарағанды (81,6%), Ұлытау (79,2%) және Ақтөбе (74,9%), ал ең аз үлесі Алматы (16,2%), Түркістан (24,7%) және Жамбыл (43,4%) облыстарында байқалды.
2024 жыл басына еңбекке жарамды жастағы халықтың 1000 адамына демографиялық жүктеме – 747,68 адам, оның ішінде еңбекке жарамды жастан төмен халық – 542,22 адам, еңбекке жарамды жастан асқан халық – 205,46 адам.
Жылдар бойынша:
Айлар бойынша:
Халықтың жалпы өсімі (кемуі) – халықтың табиғи өсімінің (кемуінің) және көші-қон өсімінің (кемуінің) алгебралық сомасы;
Халықтың көші – қон өсімі (кемуі) – белгілі бір кезеңде аймақ аумағына келгендер саны мен одан тыс жерлерге кеткендер саны арасындағы айырмашылық;
Халықтың табиғи өсуі (азаюы) – тірі туылғандар саны мен белгілі бір кезеңдегі қайтыс болғандар саны арасындағы айырмашылық.
Халық саны – белгілі бір уақытта осы аумақта тұратын адамдардың саны.
Халық саны-қазіргі уақытта осы аумақта тұратын адамдардың саны. Жыл басындағы ағымдағы бағалар соңғы санақтың қорытындылары негізінде есептеледі, оған жыл сайын осы аумаққа туғандар мен тұрақты тұруға келгендердің саны қосылады және осы аумақтан қайтыс болғандар мен тұрақты тұруға кеткендердің саны шегеріледі. Өткен жылдардағы халық санының ағымдағы бағалары кезекті санақ қорытындылары негізінде нақтыланады.
Халықтың жалпы санын есептеу тұтастай алғанда Қазақстан және оның жекелеген әкімшілік-аумақтық бірліктері (қалалық қоныстар, қалалық аудандар, әкімшілік аудандар) бойынша жүргізіледі. Есептеулерде жекелеген аумақтардың шекараларының өзгеруі нәтижесінде халық санының ұлғаюы немесе қысқаруы, сондай-ақ әкімшілік-аумақтық қайта құру нәтижесінде қала және ауыл халқы санының өзгеруі ескеріледі.
Халық саны қалалық және ауылдық тұрғындарға бөлінеді. Қала халқы-қалалық елді мекендерде тұратын халық. Қалалық елді мекендерге республикалық, облыстық және аудандық маңызы бар қалалар, сондай-ақ олардың әкімшілік бағыныстылығының аумағындағы кенттер жатады. Ауыл халқы-ауылдық жерлерде тұратын халық. Қалалық ретінде жіктелмеген елді мекендер ауылдық болып саналады.
